首页 > 报纸波经 > 东方日报>  正文
2021-07-12 本文来源:互联网
 美洲金盃一样有睇头 墨西哥大热抢冠
2021/07/12

夏荣罗辛奴墨西哥射手

1/2
由中北美洲国家争逐嘅美洲金盃,紧接住欧国盃同美洲盃开打,无疑戏码相比下係就係削啲,但喺奥运足球同欧洲5大联赛开赛前上演,加上开赛时间都算靓,可以为各大球迷止一止渴,见证美国、墨西哥同加拿大如何「三分天下」。

今届美洲金盃係由美国主办,分4组角逐,每组首、次名入8强,大家都熟悉嘅墨西哥同美国,就分列A、B组,只要大家都首名出线,就会分列上、下线,决赛先会碰头,玩冠军热选,喺两者之间选择就稳阵。

美国被列入B组,今届以副选出战,达斯、普列锡同雷拿等外流勐将全部无份,大部分球员都只係美职兵;相反,上届冠军墨西哥身处A组,诚意十足,效力拿玻里嘅夏荣罗辛奴同马德里体育会中场赫达靴里拉等球星悉数入选,人脚喺呢项赛事绝对係超晒班,冠军首选。

加拿大「冠军」扒冷首选
冷门方面,不妨留意吓喺2000年捧过盃、身处B组嘅加拿大。加拿大嘅拜仁球星艾方素戴维斯临开波受伤退队,不过佢哋仲有狼队新星卡比安奴,而喺美职搵食嘅球员好似卡华连尼、泰拿柏沙都有一定分量,人脚唔会差得过美国,分分钟抢埋个B组首名都唔奇,一个唔觉意,墨西哥同加拿大喺决赛先碰头,到时就真係等收钱喇。